ಚೀನಾ ಮೂಲದ ಆ್ಯಪ್ ಮತ್ತು ಗೇಮಿಂಗ್ ಅಪ್ಲಿಕೇಷನ್ಗಳಿಗೆ ಕೇಂದ್ರ ಸರ್ಕಾರ ಬ್ಯಾನ್ ಬಿಸಿ ಮುಟ್ಟಿಸುತ್ತಿದೆ. ಈಗಾಗಲೇ ಸಾಕಷ್ಟು ಅಪ್ಲಿಕೇಷನ್ಗಳನ್ನು ನಿಷೇಧಿಸಲಾಗಿದೆ. ಅದರಲ್ಲೂ ಗೇಮಿಂಗ್ ಅಪ್ಲಿಕೇಷನ್ನಲ್ಲಿ ಸಾಕಷ್ಟು ಜನಪ್ರಿಯತೆ ಪಡೆದುಕೊಂಡಿದ್ದ ಪಬ್ಜಿ ಸಹ ಬ್ಯಾನ್ ಮಾಡಲಾಗಿತ್ತು. ಇದೀಗ ಆ ಆ್ಯಪ್ಅನ್ನೇ ಹೋಲುವ ಇನ್ನೊಂದು ಅಪ್ಲಿಕೇಷನ್ ಅನ್ನು ಬಾಲಿವುಡ್ ನಟ ಅಕ್ಷಯ್ ಕುಮಾರ್ ಘೋಷಣೆ ಮಾಡಿದ್ದಾರೆ. ಅದರ ಹೆಸರು ಫೌಜಿ!
ವಿಶೇಷ ಏನೆಂದರೆ ಪ್ರಧಾನಿ ಮೋದಿಯ ಆತ್ಮನಿರ್ಭರತಾ ಅಭಿಯಾನಕ್ಕೆ ಸ್ಫೂರ್ತಿ ನೀಡುವ ಮತ್ತು ಅದರಿಂದ ಪ್ರೇರೇಪಿತಗೊಂಡು ಫೌಜಿ ಅಪ್ಲಿಕೇಷನ್ಅನ್ನು ಭಾರತದಲ್ಲಿಯೇ ಅಭಿವೃದ್ಧಿಪಡಿಸಲಾಗಿದೆ. ಈ ಗೇಮಿಂಗ್ ಅಪ್ಲಿಕೇಷನ್ ಅಕ್ಟೋಬರ್ ವೇಳೆಗೆ ಎಲ್ಲರಿಗೂ ಲಭ್ಯವಾಗಲಿದ್ದು, ಬೆಂಗಳೂರು ಮೂಲದ ಎನ್ ಕೋರ್ ಸಂಸ್ಥೆ ಇದನ್ನು ಸಿದ್ಧಪಡಿಸಿದೆ.
ಫಿಯರ್ಲೆಸ್ ಆ್ಯಂಡ್ ಯೂನೈಟೆಡ್ ಗಾರ್ಡ್ಸ್ ಎಂಬ ಹೆಸರಿರುವ ಈ ಗೇಮಿಂಗ್ ಆ್ಯಪ್ ಹಲವು ವಿಶೇಷತೆಗಳಿಂದ ಕೂಡಿದ್ದು, ಸೈನಿಕರ ತ್ಯಾಗ ಬಲಿದಾನದ ಬಗ್ಗೆಯೂ ಗೇಮ್ನಲ್ಲಿ ತಿಳಿಸಲಾಗಿದೆಯಂತೆ. ಅಷ್ಟೇ ಅಲ್ಲ ಗೇಮ್ ಸಲುವಾಗಿ ಬಳಕೆ ಮಾಡುವ ನೆಟ್ನಲ್ಲಿ ಶೇ. 20 ಪ್ರತಿಶತದ ಆದಾಯ ನೇರವಾಗಿ ಭಾರತ್ಕೀ ವೀರ್ ಟ್ರಸ್ಟ್ಗೆ ಜಮಾವಣೆಯಾಗಲಿದೆ. (ಏಜೆನ್ಸೀಸ್)
Comments
Post a Comment